Mitsubishi və Subaru arasında rəqabət yaxın tarixdə başlamışdı. Rəqabət təkcə Mitsubishinin Lancer və Subarunun İmprezza STİ modelləri arasında deyil artıq ralli yarışlarında da özünü göstərməyə başlamışdı. Hansı ki, hər kəsə məlumdur ki, Mitsubishi və Subaru komandaları Ralli yarışlarında çox uğurludur.
 
Mitsubishi 1980 - ci illərdə Galant modeli ilə Ralli yarışlarına qatılırdı. Amma 90 - cı illərin Ralli yarışlarının tələbləri artıq kiçik kuzovlu avtomobillərə keçidə məcbur etdi. Galant modelinin bazasında Lancer modelini fikirləşən yapon nəhəngi bu model ilə WRC - ya qatılmağı planlaşdırırdı. Beləcə Mitsubishi Lancer Evolution modeli ilə WRC yarışlarına, Subaru isə 4 silindirlik Boxter mühərrikləri istifadə edərək İmprezza modelinin bazasında Subaru İmprezza STİ modelini yaradaraq Lancer-ə rəqib oldu. Ancaq komandalar 1993- cü ildə keçirilən Dünya Ralli Yarışlarında, Subaru 3- cü, Mitsubishi isə 5 -ciliklə kifayətlənməli oldu. Amma 1995- ci ildə Colin McRae, Subaru İmprezza STİ modeli ilə 1 ci olmağı bacardı. Həmin ili Mitsubishi isə 2-ci ola bilmişdi və artıq rəqabətin təməli qoyulurdu.
 
1995 -ci ildə məğlub olan Mitsubishi Tommi Makinen ilə razılaşma əldə edir və bu pilot 96-99 -cu illərdə arxa arxaya 4 dəfə Mitsubishi ilə Dünya Ralli çempionu olur. Tarixdə ən uğurlu Ralli pilotlarından biri olan fillandıyalı Tommi Makinen karyerasının ən uğurlu illərini Mitsubishi komandasında keçirmişdir.

Bu dövrlər ərzində Yapon avtomobilləri və ralli həvəskarlarının ən mübahisəli mövzusu Lancer yoxsa İmprezza mövzusu idi və həmin dövrlərdə bu rəqabət hər iki modelin satışlarına yüksək dərəcədə müsbət təsir göstərmişdir.

Subaru isə Colin McRae ilə yarışlara davam etti və 2006- cı ilə qədər bu rəqabət davam etti. 2006 - cı ildə isə Mitsubishi Rallidən çəkilmə qərarıaldı və 2 il rəqibsiz qalan Subaru da eyni qərarı 2008 ci ildə verərək Ralli yarışlarında bu rəqabətə son qoydu. 
 
Ralli yarışlarında rəqabətləri bitsədə artıq 20 ilə yaxındır ki həm kompyuter oyunlarında həm filmlərdə həmdə avtomobil həvəskarları tərəfindən bu rəqabət hələdə yaşanır və yaşadılır.